尋根之旅- 樂華邨

好耐冇返過去自己細個住嘅地方，今日約埋公公婆同舅父仔同我地一家四口去返以前住嘅地方- 樂華邨。

去商場食完飯(雖然以前食開嘅鋪頭已經無做，但居然喺同一個地點新開嘅食店見番以前做樓面個姐姐)，我哋去咗一啲以前細個成日去嘅舊式屋邨舖頭，雖然有好多都變咗，但係仲有幾間老字號，真係會忍唔住幫襯下佢哋。

去完商場睇舊舖頭之後，就去屋邨以前嘅單車徑。聽講上一手之前捱唔住執咗，但係我哋去嗰日咁啱新嘅一檔開幕，所以好好彩可以租到一架家庭單車(重要新張優惠20蚊一個鐘頭)。一家人輪住踩輪住玩，好快就玩左個幾鐘。

話說我哋今日其實都準備咗個活動，就係攞番以前細個啲相出嚟，舊地重遊之餘仲要擺返當年嘅post 映相！

呢個過程大人細路都非常過癮！

呢個尋根之旅本身係畀一班大人懷緬過去，但係另一個領晤係，其實小朋友(想當年我哋都係) 唔一定要去啲好靚好貴嘅樂園，只要有呢個空間，有呢個自由度，一啲最簡單嘅設施已經可以令佢哋覺得好開心！

大家都揾個週末同小朋友一齊尋根！