自製渡假-Glamping @星園
雖然4點先比check in, 但我地12點半就到達貝澳海灘輕鬆下（加強渡假感)。
強烈推薦海灘餐廳Treasure Island Restaurant👍。我之前已用whatsapp 訂位，去到餐廳可以安排到近海灘位置。基本上餐廳內客人8成係外國人，成功增加渡假感😍 餐廳野食👌, draft beer 🍺 👍,風景👍👍
開完餐當然要去海灘玩下! 小朋友超愛! 話個沙灘雖然黑漆漆，但啲質地好軟綿綿🤩🤩。。。
美中不足係天氣陰陰天氣有少少凍，但好在無落雨。結果一玩就兩個鐘!
由沙灘行上營地大概15分鐘，由於係馬路邊及上斜，如果有大件行李可以考慮先喺營地放低野，再行落沙灘。另外最近營地嘅落車位其實有少許危險（因為單程路兼斜路），同小朋友去要小心小心。
到達營地閘口，係一條石仔路，有feel，但如果拎喼嘅朋友（例如我😅）就辛苦啲啦。。。
全個營地唔算好大，全場不到10個波波。
我地揀左大波波，一房一廳，房有一張雙人床，廳有梳化床，另外可自帶或租借地蓆，無疫情下最多可瞓7人。營內鋪全地氈，所以不准飲食，鞋可放在tent 門口嘅櫃仔，行李可放進門小通道。
每個tent旁邊有個私家有頂開放式帳篷，可以食野／bbq/ 打邊爐。
可以自帶食物，我地就訂左營地嘅bbq 套餐，少貴但質素幾好，個爐好正！
亦有啲可以chill下嘅地方：
波波內不設厠所，但每個波波有designated嘅厠所。今次我地嘅波波係最近入口，離厠所20步。
廁所24小時暖水供應，乾淨企理。
Check in 過程十分順利，工作人員友善。
紀錄小朋友興奮心情：
之後周圍影下相
準備開餐：
食到咁上下，場地亦有燈光arrangement, 現場睇再靚啲。
同場仲認識到同細佬同年紀嘅小朋友，結果成晚細佬就痴住左人地玩🤣
另外有人直頭準備埋投影器，自製天象廳🤣🤣，如果再去的話都可以考慮下。
最可惜嘅係當晚有雲，睇唔到星星呀😭😭
第二朝起身, 我地無買營地早餐，反而帶cookset自煮，都係一個唔錯體驗：
細佬就繼續同新朋友玩：
由於落雨關係，check out後我地只好到東涌Citygate 行下飲茶，最後番屋企前用雪糕為我地今次“渡假”畫上句號。
留言
張貼留言