久違了的假日農場
上網用佢個系統報名方便快捷，入場費可以到時再比，又有地方泊車；如果無車可以選擇農場提供的接駁巴士，由九龍塘出發來回都係40蚊。我地今日大概11點鐘到停車場有八成滿。
呢個農場我哋喺好多年前嚟過，好鐘意呢度嘅好有心思嘅設計，基本上啲設施都係自家製作，材料都係一啲常見可循環再用嘅物品，如車軚，鐵通，麻繩，木板等，全手動，同平時去開嘅遊樂場好唔同，感覺比較原始啲，但非常配合農場嘅感覺。成個農場係喺斜坡上，入口嘅地方係最高既位置。
一入場兩個小朋友已經比面前空地上嘅設施吸引。首先右手邊有兩個二樓咁高嘅千秋，
旁邊有幾架手動飛船，
再過啲有適合成家一齊起動嘅搖搖飛彈，
最後仲有車軚碰碰車。。。
家姐心同細佬意淨係喺度都夠玩大半個鐘。
之後我地再往山下行，中間有三條非一般滑梯- 啱細個啲小朋友嘅飛氈滑梯；
適合120cm以上嘅麻包袋滑梯；
同埋坐喺水桶當船仔再SIR落嚟嘅滑梯。
三樣都係要由工作人員睇住先有得玩： 早上10至12，下午1至3。
除左呢三條令大人細佬都興奮嘅滑梯之外，仲有中間呢條其貌不揚嘅麻繩梯-只供向上爬嘅滑梯。唔好睇佢好簡單咁，連大人都未必一次上到去。
細佬第一試：
細佬成功試：
嚟到第二層，又見到更多簡單歷奇設施玩：有繩網，
一層樓咁高嘅人肉搖搖板，
樹屋滑梯，
吊索，
Tum tum 轉，
仲有小型車場等等。
如果唔係有疫情，呢度仲可以燒烤。
玩到咁上下，細佬話想睇小動物。就喺第二層嘅尾段，向上走幾級就會見到有好多羊咩咩。 只要喺小賣部買草就可以餵。而啲羊仔亦都好配合，反而係小朋友會唔抵得啲大羊爭晒啲草攪到細羊無得食（有同理心係好事呀～）。。。至於點先可以餵到小羊呢，其實都訓練到小朋友思考：聲東擊西? 搵掩護等大羊見唔到?自己做? 同人合作? 原來只要比空間，比時間，日常睇到嘅都可以係小朋友嘅教室呀…（呢句係同自己講）
再往下向第三層出發，沿途又見到農場嘅心思設計- 第一set 係音樂：
雖然只係簡單將鐵片鐵權掛起，有興趣嘅小朋友（again要加埋唔趕時間嘅父母）就自然會放慢腳步揾到自己嘅音樂世界； 第二set，話明係農場，自然就要有同農場有關嘅工具俾小朋友體驗下- 分別係石磨同唔知叫咩用嚟“中”爛啲野嘅工具：
到達第三層，主要係小賣部同一啲要另外付費嘅工作坊，根據網站係有整麵包，手工等等，但節目實在太豐富，所以我地只係喺小賣部買飼料就繼續出發往第四層進發。
途中會經過吊床：
沿途我地經過一間豬屋，隻豬叫麥嘜，好肥好眼瞓行得好慢。
到達第四層，又係一番景象呀。第四層我會形容分為兩邊- 一邊係有兔仔，
大細龜
同葵鼠，小朋友同樣餵個不亦樂乎，旁邊除左有菜田之外，仲有個水塘可以玩車軚船同小型舢板，小朋友可以靠捉住頭頂嘅麻繩控制方向及速度。話說有個小朋友玩得太癲將自己fing左出去無麻繩嘅地方，好彩旁邊個姐姐幫下手，如果唔係都唔知點樣喺池塘中心執佢番嚟。
第四層嘅另一邊，係一。大。片。草。地。呀～ 我做大人都忍唔住喺上面奔跑左一陣享受久違了嘅澎湃綠草味道。
呢片草地上有耕作體驗，有千秋，有水車（！）
人力車（！！），
繩梯，
麻繩（可以扮泰山），
真係大人細路都玩到！
草地中間係有幾條小河流，所以會見到有幾條獨木橋，
又或者扮下青蛙跳，
再唔係可以玩繩網
又有個小朋友唔小心一腳踩落去中間啲泥漿度。。。
Anyway, 唔經唔覺已經玩到4點幾5點，加上成腳泥都係要處理下。所以都懷住“i will be back” 嘅心情離開農場。。。
留言
張貼留言