兩父女3日2夜生日之旅
輕鬆三日海上之旅，祝阿爹生日快樂！身體健康！開開心心！
因為疫情關係，所以上郵輪其實都係3日2夜去公海行一轉，不過，呢個COVID確實令我哋珍惜每一次能夠行開下嘅機會。郵輪嘅好處係令你見到一望無際嘅大海～～天氣好嘅日子係好爽。。。另外重點，而家郵輪最多只會載50%人 (鬆動啲），同埋絕大多數係香港人 （我諗無人會為左上3日船要quarantine 14-21日卦。。。）
嚟到郵輪碼頭check in，比我地想像中多人，用左大概一小時上到房。間房係超大，所謂有片有真相大家可以自己睇下。。。
另外，冰箱同小酒巴嘅飲品食品都唔需要另外比錢。。。有生果，一支700ml嘅有汽酒，兩罐啤酒，仲有涼茶／可樂／Perrire /薯片/朱古力/花生/茶包／咖啡etc...
入左房唔夠5分鐘，管家已經同我地打招呼，順便訂度幫我地訂埋嚟緊三餐嘅餐廳，同埋部份嘅遊樂設施。感覺佢地應該好忙，一個人可能要serve好多間。加上佢仲有個無線電話，基本上只要一call就要到 （仲大鑊過做我份工🤣🤣）。
喺房執咗啲嘢之後，我地立刻開始今個旅程既第一個活動-保齡球！ 我印象中細個嘅時候，阿爸阿媽都有帶過我地去保齡球場，但因為係好多好多年前，印象已經有啲模糊。聽番老爹講番，原來佢十幾廿歲嘅時候係經常會去打保齡球（我諗應該係蒲點）。見到我老爹好興奮，我就知道哩個活動冇揀錯。呢位快將73歲生日嘅壽星公，不停練習番當年嘅步法，究竟係右左右左右，定左右左右左，咁多年無打但功架仍在！大家可以睇片：
但可能就因為太興奮太盡力亦都太耐冇打嘅關係，打完第二日壽星公表示大脾酸軟。。。
易book度：*** （都幾full）
好玩度：*****
建議：早啲book， HKD68per head per game
打完保齡球，就喺甲板上行左個圈，望下個泳池，諗定聽日幾點鐘去玩。
之後又係另一個好令人期待嘅活動-冇錯！就係Happy Hour酒任飲@ Tribute嘅活動！一邊聽歌一邊飲酒感覺唔錯。
多人度：****
飲品選擇：**** （有／無酒精）
表演：****（馬來西亞歌手表演，舊廣東話／普通話歌為主，間中有英文）
建議／remarks: exclusive to Palace, 無得book, 自己揾位，免費
飲完酒之後就9係旅程嘅第一個正餐- 我地食西餐@~
環境：*****
食物：***
服務：****
Remarks:呢間餐廳無論免費定付費我都食過，食物質素平平。
之後呢就係去睇表演啊!今晚係中國嘅戲曲/雜技/變面表演。本身不是我杯茶，但當‘’女‘’主角揭曉自己原來係男兒身之際，都係有一定驚喜。
陰・陽
多人度：**** （Palace 有特定位置）
表演：***
喺劇院出來之後，就去左360吧睇左一個近距離嘅西方舞蹈表演。呢個場地係幾特別，除左係360嘅圓台之外，佢有三層樓咁高，所以真正多角度欣賞表演。我地坐左喺最高嗰層望落去，同平時水平線望人地表演的感覺都有啲唔同，加上有啲表演者係會喺高空（即係喺接近三樓）表演，有啲位都幾驚心動魄。
World Variety Show
多人度：*****
表演：*****
Remarks: 驚喜！但坐位少，結果我地坐上最高嗰層。大量人要企。
睇完係咁咦去左17樓皇宮餐廳食宵夜，不過質素一般啊所以冇影相。
環境：****
食物：**
服務：****
Remarks： 真係好肚餓就去啦。。。
食完又出左去甲板望下個夜空，哇月亮好大好靚！
臨瞓前去左另外一間酒吧。今次係有啲勁歌熱舞好多燈光嗰款，係咁咦湊熱鬧啦～開緊bollywood party。
第二朝起身食完個靚早餐。
之後呢我就同老爹分頭行事。先送左佢去皇宮泳池，好歐陸式嘅感覺，不過啲水凍到呢。。。
我就去左樓上做瑜伽。每一班只有最多三個學生，雖然我唔識Yoga,但可以近距離同大隻仔教練，望住個海做運動，唔，幾好。
環境：*****
教練：*****
Remarks: 因為人少，難book
做完運動同壽星公返到房，咁啱房間清潔中。正好！出個露台一邊飲住酒，一邊望住個海，傾下計，天氣都唔錯。
跟住lunch，今次係日本餐鐵板燒：
環境：****
食物：****
服務：****
Remarks： 隔離枱人個師傅好勁！
食飽飽，又唔想即刻玩水，所以周圍影下相：
再去6樓大電視位參加下啲小活動：
1.泡泡show (***)
合理，啱小朋友，咦但個泡泡大師咁熟口面嘅?! 眼利嘅壽星公：“咪尋晚嗰個變面大師囉！”
2. 中國戲曲小百科（*****）
驚喜!講者係尋晚男扮女裝嗰位performer。但佢真。係。講。得。好！首先教大家分下而家5款流行戲曲（京劇／粵劇／黃梅etc），再講下點做正宗蘭花手／碎步etc，自己示範之餘再邀請現場觀眾一齊玩。雖然，聽完45分鐘後有8成野我都唔記性（悟性低....），但呢45分鐘過得十分有娛樂性亦學到野。
之後係重頭戲- 玩水!!! （****）
話說我細細個已經聽呢位壽星公講過好多次去海洋公園水上樂園玩到連條游泳褲都穿埋嘅故事。所以。。。去片啦!
最後雖然兩個人加埋都玩唔夠10次，已經行到有啲腳軟，皮已夠
🤣🤣 都係喺甲板曬下～
番房沖涼換衫之後，又食！ 今次去中餐@ SilkRoad
環境：****
食物：****(條自費瓜子爆5星，其他2星）
服務：*****（因為佢地居然成間餐廳嘅經理同waiter一齊由出菜位拎住蛋糕唱住生日歌行到埋我地枱，驚喜到我唔記得拍片🤣🤣）
食完番房休息一會之後，我同老爹一齊去揾今朝嗰個大隻仔教練上拉筋班。
上完感覺係。。。拉筋差啲變抽筋，震過猫王呀。。。
之後Show Time! Performers 就係尋晚360 show嘅performers, 再加一位主角....咦陳生，乜又係你嘅？！ 係，壽星公話又係嗰位變臉+泡泡大師....估唔到連行船嘅performer 都要做slasher...
@Zodiac
多人度：****
表演：*****
Show 後再Beer Party@ Beachclub (**** 好好大風）
再去聽歌。。。
特別鳴謝呢位歌手，記得壽星公尋日點唱一首《前程錦繡》，本來佢唔識唱，但佢番去聽完今日再認得我地。。。完美的一天。
眨下眼就第三天，上岸前食個早餐再補影幾張相就bye-bye 啦～
留言
張貼留言