第一次Staycation ..@ Regal






我知道我地都算遲,肺炎左咁耐而家先第一次staycation。既然係第一次就更加值得紀念。
今次去機場富豪酒店,係因為見到佢地推出左一個小機師體驗旅程,唉咁耐無非唯有望梅止渴。
適逢爸爸生日係星期五,所以大人請一日假同小朋友去玩。 小朋友聽到有得去酒店玩,之前果晚都急不及待執喼。







星期五一放學食埋飯就入去機場酒店check in。之前未嚟過呢間酒店,思想停留喺細細個去九龍城間機場酒店度,用呢個做benchmark,入到而家呢間'新'機場酒店感覺十分不錯。









今日唔係假期,酒店都比較靜,前台都無開,check in 要上連接機場嘅concierge。 酒店職員非常友善同helpful,check in 順利,upgrade 左去四人家庭房(有兩張queen size 床),package 本身包4人晚餐早餐buffet,兩個小朋友嘅機師制服 (帽另購加60),安排好嘅活動就已經喺幾日前email左比我地,我地只需要跟番時間去到指定地方就有得玩。



             

一入到房,小朋友即刻咁🤣🤣...




星期五下午比較閒,所以去左酒店個室內泳池玩。泳池size唔大,但勝在恆温同啲水夠暖,其實都有個室外泳池但實在大風所以無出去(掛緊3號風球)。家姐心直頭好似去左温泉咁面都紅晒。(唔好意思喺泳池影相)






一玩都玩左個幾鐘,都夠鐘食buffet。食物不過不失,基本種類樣樣有。最緊要都係小朋友食得開心。by the way, 成間酒店得一間餐廳開㗎咋!





要讚下酒店,我check in 嗰陣同佢地講話今日係爸爸生日,佢地即時話今晚送個蛋糕嚟。真係好貼心呀!

食完晚飯後番到房,小朋友換上機師衫準備等蛋糕嚟(當然爸爸唔知道),結果...





最後都執番整齊影到張相...






臨瞓前睇左套Halloween 合家歡就Good Night la...



一早起身著換番套制服醒下神




出發食早餐之後就開始一系列活動。


第一個活動居然係...




其實第一個活動10:45先開始,趁之前有大半個鐘頭時間就去左大堂個bouncy castle玩。太。正。啦! 無人所以包起個castle玩左半個鐘! 酒店職員十分nice, 陪小朋友一齊玩之餘,又提醒我地如果之後要玩就要而家book埋時間!










正式活動係喺basement d 原本係會議室嘅地方玩一系列競技遊戲。細佬意認得個遊戲姐姐係尋日幫我地check In嘅姐姐。姐姐話:“係呀而家揾食艱難呀!”




同場有大概十個小朋友,第一個係考眼力同手力嘅飛鏢!





之後係考平衡力同專注力嘅匙羹傳波。堅係難!






第三個遊戲又係跳! 今次係跳豆袋呀!






最後係二人三足...一睇就知細佬同家姐係玩唔到....最後媽咪頂上!







過完四日關終於畢業啦!





兩位合格小機師之後就到下一站,中餐廳“紅軒”,整甜品芒果糯米卷!








整完小食番房執左陣野(4點先交房)就落嚟食正餐啦!今日好彩有兩間餐廳開可以揀下(當然係自費)。 今次揀左西餐。原因係陣間有個節目係呢間Grill and Bar 度整cocktail。 自費果然不一樣,大人細路都食得好滋味(唔記得影相所以補張同店裝飾)! 


中間仲有時間玩face paint:









Cocktail 時間:












整完cocktail 就嚟到今次最後一個活動,摺毛巾! 又要再一次讚酒店姐姐嘅耐性,差不多一對二咁教小朋友用毛巾整動物。睇下佢地玩得幾開心!









開心嘅時間過得特別快,又係時候say byebye!  Check out左之後我地就帶住疲倦既身軀結束今次嘅旅程。









留言

這個網誌中的熱門文章

麥理浩夫人渡假村1行10人兩日一夜之旅 (Day 1)

鯉魚門渡假村兩日一夜之旅 (Day 1)

鯉魚門渡假村兩日一夜之旅 (Day 2)