Ladies Trip 四日四夜曼谷/北碧府之旅
繼上次同家姐心兩個人去宿營之後，一路都好想再同佢二人世界。話說家姐心好細個嗰陣都有搭過幾次飛機，但自從細佬意出世之後我呢個阿媽就懶左，所以當家姐心知道有得去旅行之後，不斷話自己係"第一次搭飛機"!
今次難得學校假期，朋友A又唔介意同小朋友同行，於是就造就左今次泰國之旅。揀去曼谷，純粹諗住機程短啲可以玩耐啲; 北碧府 Kanchanaburi- 一個離曼谷以北大概三個小時車程嘅近郊地方，之前完全唔知係邊，聽都未聽過，但同朋友一齊search完發覺呢個地方少啲遊客(無見過旅行團有，主要係泰國本地人嚟玩)，少啲shopping (可能仲好)，多啲大自然靚景(有相為證)，多啲歷史(因為北碧府係泰國近緬甸嘅地方，當年二次世界大戰時日本捉左好多不同國家嘅戰俘嚟呢度興建泰緬鐵路用嚟運送物資。但由於地勢險峻，當年起呢條鐵路就犧牲左好多人命...)，就揀左呢個咁特別嘅地方！由於大家都覺得呢個地方都未必會去第二次，所以4日4夜嘅行程裡面我地有三日兩夜都喺呢個北碧府度渡過。
出發前準備:
因為呢個地方比較遍遠，首先要解決嘅係交通問題。原本淨係諗住包車由曼谷機場來回北碧府，但check check下發覺最乾手淨腳嘅方法 (即懶人方法)就係直情包架車連司機跟足三日兩夜 (yeah!)。上網做過不少research，發覺一般包團公司最大嘅問題係同你落單溝通嗰個同真正車你嗰個係兩個人，而好多時個司機係完全唔識泰文以外嘅語言，如果行程中有任何不對板地方時根本就溝通唔到。最後比我地揾到一個喺幾個blog都話好嘅司機Antony。 同佢wechat聯繫後，佢好快就組一個wechat group 加埋佢助手(一個識講中文嘅馬來西亞人)一齊方便溝通。佢地好快已經有建議行程，我地一行三人由曼谷來回北碧府 (10am on Day 1 to 10pm on Day 3), 一共11000 baht。成交! 而旅程後我地亦覺得物超所值，因為北碧府呢啲偏遠啲嘅地方，當地識講英文嘅人唔多，連酒店個reception 都好難溝通，如果唔係Antony，我地應該連餸都食唔到 (因為即使我地話no spicy，上親枱嘅都係辣嘅)...
因為呢個地方比較遍遠，首先要解決嘅係交通問題。原本淨係諗住包車由曼谷機場來回北碧府，但check check下發覺最乾手淨腳嘅方法 (即懶人方法)就係直情包架車連司機跟足三日兩夜 (yeah!)。上網做過不少research，發覺一般包團公司最大嘅問題係同你落單溝通嗰個同真正車你嗰個係兩個人，而好多時個司機係完全唔識泰文以外嘅語言，如果行程中有任何不對板地方時根本就溝通唔到。最後比我地揾到一個喺幾個blog都話好嘅司機Antony。 同佢wechat聯繫後，佢好快就組一個wechat group 加埋佢助手(一個識講中文嘅馬來西亞人)一齊方便溝通。佢地好快已經有建議行程，我地一行三人由曼谷來回北碧府 (10am on Day 1 to 10pm on Day 3), 一共11000 baht。成交! 而旅程後我地亦覺得物超所值，因為北碧府呢啲偏遠啲嘅地方，當地識講英文嘅人唔多，連酒店個reception 都好難溝通，如果唔係Antony，我地應該連餸都食唔到 (因為即使我地話no spicy，上親枱嘅都係辣嘅)...
另外就係住宿，揀北碧府其中一個原因就係因為個景! 當然酒店都要揀有特色嘅! 我地兩個大人千揀萬揀，就因為呢張相揀左Kwai Tara River 嘅Floating Villa。兩晚盛惠10800 baht。但要提一提嘅係，呢間酒店相當本地，比錢只能夠用電匯。
星期五先開始放假，原本係諗住星期五先出發，但經過我地兩個大(chur)人check過晒啲時間，最後決定星期四晚出發，夜機到曼谷住一晚機場酒店，第二朝出發去北碧府玩三日，星期日晚返曼谷行夜市，星期一做完spa 再搭飛機返香港! 即係要帶埋功課去旅行 (哈....)!
Day 0:
出發前一小時，我呢個阿媽忽然諗起學校近排教嘅環遊世界主題，不如print 到嘅泰國嘅基本資料同家姐心打個底!
出發前一小時，我呢個阿媽忽然諗起學校近排教嘅環遊世界主題，不如print 到嘅泰國嘅基本資料同家姐心打個底!
機場巴士中 (家姐心話架巴士靚過平時啲好多!)
指定自拍位置:
飛機上自我打發時間:
結果delay 左粒幾鐘去到已經泰國時間一點半 T.T
結果delay 左粒幾鐘去到已經泰國時間一點半 T.T
雖然話係機場酒店，由機場上酒店車都搭左20分鐘先到
Day 1:
出發前食個酒店早餐。
司機Antony 已經準時喺門口等我地。一上車，哇! 已經有一箱冰凍飲品同塞滿椅背嘅零食等緊我地!
出發前食個酒店早餐。
司機Antony 已經準時喺門口等我地。一上車，哇! 已經有一箱冰凍飲品同塞滿椅背嘅零食等緊我地!
Meena Cafe
搭咗大概兩個半鐘頭車，第一站來到Meena cafe。cafe位置喺一條公路旁邊，外面睇落冇乜特別。
入到去一望，原來cafe比客人坐嘅地方係一塊田上面，佢地用竹起左不同嘅booth，加埋其他佈置，坐喺入面就好似置身於泰國田園入面;另外Cafe 遠前方係面對住北碧府另一個著名景點- Wat Tham Sua (temple of Tiger), 所以打卡位不少!
我哋就揀咗一個有搖籃嘅booth.
搭咗大概兩個半鐘頭車，第一站來到Meena cafe。cafe位置喺一條公路旁邊，外面睇落冇乜特別。
入到去一望，原來cafe比客人坐嘅地方係一塊田上面，佢地用竹起左不同嘅booth，加埋其他佈置，坐喺入面就好似置身於泰國田園入面;另外Cafe 遠前方係面對住北碧府另一個著名景點- Wat Tham Sua (temple of Tiger), 所以打卡位不少!
我哋就揀咗一個有搖籃嘅booth.
嘢食方面有傳統嘅泰式小炒同時亦有西式嘅咖啡同pastry.
整件事十分個寫意!
Wat Tham Sua
距離cafe 大概10分鐘車程就係頭先講嘅Wat Tham Sua。睇返網上紀錄，並唔係因為附近有老虎出沒，用老虎做主題純粹係因為附近嘅山勢似老虎，所以就起咗呢個寺廟比僧人修行。呢個廟位置高，上到去可以望到北碧府外圍好遠嘅地方。我哋去到嘅時候有好多本地人一家大細嚟參拜。 為咗方便遊人上落，廟裏面設有斜度十足嘅小型纜車。
距離cafe 大概10分鐘車程就係頭先講嘅Wat Tham Sua。睇返網上紀錄，並唔係因為附近有老虎出沒，用老虎做主題純粹係因為附近嘅山勢似老虎，所以就起咗呢個寺廟比僧人修行。呢個廟位置高，上到去可以望到北碧府外圍好遠嘅地方。我哋去到嘅時候有好多本地人一家大細嚟參拜。 為咗方便遊人上落，廟裏面設有斜度十足嘅小型纜車。
Death Railway Museum
之前講過，北碧府呢個地方有啲特別嘅歷史背景，而呢個Museum 就主要以呢段時期為骨幹。博物館有一層半，面積不大，但勝在資料多:文字，圖片，古物，紀錄片等，即使之前無做過功課，嚟睇下都可以令之後嘅景點唔止打卡咁簡單。
戰爭呢個概念對家姐心嚟講，就係唔同人為左爭某啲野打交，最後好多人受苦。見到牆上照片中嘅戰俘餓到皮包骨，起呢條鐵路又死左咁多人，相信或多或少小朋友都會有啲感受，知道戰爭嘅可怕!
之前講過，北碧府呢個地方有啲特別嘅歷史背景，而呢個Museum 就主要以呢段時期為骨幹。博物館有一層半，面積不大，但勝在資料多:文字，圖片，古物，紀錄片等，即使之前無做過功課，嚟睇下都可以令之後嘅景點唔止打卡咁簡單。
戰爭呢個概念對家姐心嚟講，就係唔同人為左爭某啲野打交，最後好多人受苦。見到牆上照片中嘅戰俘餓到皮包骨，起呢條鐵路又死左咁多人，相信或多或少小朋友都會有啲感受，知道戰爭嘅可怕!
River Kwai Bridge
呢條橋就係泰緬鐵路其中一段， 而家都仲會有火車行。我地去到嘅時間大概係黃昏，景色怡人。
呢條橋就係泰緬鐵路其中一段， 而家都仲會有火車行。我地去到嘅時間大概係黃昏，景色怡人。
Day 2
Breakfast at Kwai Tara River Floating Hotel
Breakfast at Kwai Tara River Floating Hotel
Fun with Elephants
呢個係唯一一個同小朋友有關嘅景點，又咁啱就喺酒店隔離，所以同家姐心去騎大象同餵大象。不過去完今次，我同阿女都覺得啲大象好可憐，下次都唔會再去啦。
呢個係唯一一個同小朋友有關嘅景點，又咁啱就喺酒店隔離，所以同家姐心去騎大象同餵大象。不過去完今次，我同阿女都覺得啲大象好可憐，下次都唔會再去啦。
Erawan Waterfall National Park
呢個國家公園係泰國當地人嚟玩嘅比較多。有7 levels嘅瀑布，每個瀑布都見到有人同啲魚一齊游水, 難得係公園嘅清潔度，大家都好自律所以幾乾淨。
呢個國家公園係泰國當地人嚟玩嘅比較多。有7 levels嘅瀑布，每個瀑布都見到有人同啲魚一齊游水, 難得係公園嘅清潔度，大家都好自律所以幾乾淨。
Bamboo Rafting (by Kwai Tara River Hotel)
對酒店送嘅活動本來不存期望，但呢個活動確係有surprise! 430pm 出發，由一艘有摩打嘅艇拉住大概5架竹筏從酒店一邊逆流而上。我地著晒救生衣坐喺最近船頭位置，沿河兩岸欣賞風景。
Day 3
Kwai Tara River Floating Villa
喺北碧府最後一日，都要影下間酒店先! 環境唔錯，但夜晚預左會有啲搖同浪聲。
喺北碧府最後一日，都要影下間酒店先! 環境唔錯，但夜晚預左會有啲搖同浪聲。
Sakura
呢個完全係無心插柳嘅景點。喺酒店附近發現櫻花!
呢個完全係無心插柳嘅景點。喺酒店附近發現櫻花!
Death Railway
呢度係上次Kwai River Bridge嘅延續版，因為大部分係沿高山興建，所以會更反映到條鐵路有幾難起。就連家姐心見到都不停話:"咁高跌落去真係會死架!"
Giant Rain Tree
一棵大概兩百歲嘅樹。可以講呢度對樹木嘅保育真係好過香港好多，除左空間十足之外，呢度嘅人亦好聽話咁唔會踩樹根，唔會喺樹幹上面寫到此一遊，大家安份地坐喺樹下欣賞大自然嘅美。
一棵大概兩百歲嘅樹。可以講呢度對樹木嘅保育真係好過香港好多，除左空間十足之外，呢度嘅人亦好聽話咁唔會踩樹根，唔會喺樹幹上面寫到此一遊，大家安份地坐喺樹下欣賞大自然嘅美。
BACK TO BANGKOK (3 hours)
Chocolate Ville
聽講係近期最hit嘅旅遊景點，入到去有theme park 嘅感覺，無數嘅打卡位，好多餐廳....但我地唔太鍾意，因為太artificial 同太。多。遊。客。(同香港廸廸尼差不多)，所以留左一陣我地就走左...
Night Market
由於喺Chocolate Ville 無食野，所以去左附近night market醫肚。試左幾間，無乜特別，係因為無Antony喺身邊所以啲野食叫左唔辣都一樣辣到食唔到 T.T
行多一陣，大概九點鐘Antony就車我地番酒店。
Aroma Grand Hotel
揀呢間純粹因為地理位置同價公適中，無乜特別。
特別記低要喺旅行途中做功課嘅家姐心。
Day 4
Refresh @24 Spa
雖然我地搭夜晚6點機，但因為想好好地享受spa，所以無乜安排其他活動。之前上網揾左好多小朋友spa，最後見呢間好評多+價錢合理+回覆我嘅問題亦都幾快+由酒店出發大概10分鐘車程，所以就預先email訂左。
我地兩個大人好快就揀左價值2500baht嘅三小時套餐，但最大問題係，家姐心點呢？經過一輪左諗右諗，終於揀左玫瑰牛奶浴 (30分鐘) 加精油按摩 (90分鐘)。連幫家姐心按摩嘅師傅都話: you? 90 min massage? 跟住家姐心就享受住公主級嘅服務…就連換衫都有兩個人待侯。
去完只有兩個字: 真。心。正。
話咁快4日4夜嘅泰國之旅就咁就完左，今次去旅行plan嘅行程無親子餐廳，無遊樂場，無主題公園，食野亦主要地道為主，好彩家姐心都無乜炸型(除左係咁話熱...)
留言
張貼留言