陀住細佬去旅行- 清邁之旅
去清邁嘅原因，係因為大概三四個月前同同事去過呢度，覺得呢個地方好適合family trip，所以返到屋企之後就拿拿聲book機票，準備再一次嘅十月之旅。就喺我book晒啲機票之後，就發現自己又中獎! 細佬意is on the way! 所以今次呢個真係扶老攜幼(連埋肚裏面嗰個)一齊去旅行!
Oriental Siam Resort (http://www.orientalsiamresort.net/index.html)
由於一行9人，同上一次去Bali 一樣，都係想揀一啲容納到所有人兼有個common area可以傾下偈享受下家庭樂嘅地方。經過一番嘅research之後，今次我哋就揀咗呢間近市郊嘅Oriental Siam。
Oriental Siam 係一個家庭式經營嘅小型resort，一共只有七八間房，其中四間係喺同一棟Villa，而Villa嘅上層就有個common area 連大露台，可以比住客喺露台梳化上面傾偈。
我地就係租左呢棟villa，泰式設計房間，擺設傢具都幾新淨。間屋前面就係泳池，距離猶如Private pool，所以都好寫意。
美中不足係個泳池啲水略嫌消毒味較濃，所以我地都只係游左一兩次短時間。
Resort雖小，但早餐超正，所有野即叫即整之餘亦十分好味! 不過要預番多啲時間比佢地慢慢整:
Night Street Food Tour (http://www.chiangmaistreetfoodtours.com/)
喺香港自己都係鍾意"掃街"嘅人，今次嚟清邁，又比我揾到啲類似嘅地道嘢。
出發之前我已經聯絡好導遊Tom，到埗第一夜地安排好車由酒店接我地。當晚Tom除左帶我哋去睇咗同試咗好多地道嘅嘢食之外，佢亦非常細心地準備咗一個List- 一個有印尼文(連讀音)同埋英文意思嘅list，上面有好多印尼嘅地道嘢食。Tom 話如果今晚試完啲野之又想試的話就可以帶住呢個紙去order 啦!
老實講如果唔係Tom 我地自己都唔敢去試呢啲街邊小食，雖然味道方面未必個個會鍾意 (可能太地道 haha)，but it's good to have a try!
Elephant Tour with Loolu (http://loolutour.wixsite.com/loolutour)
清邁呢個地方有好多大象營Elephant Camp。呢啲camp 嘅大象好多時會被訓練去做一啲類似馬戲團式嘅雜技或者表演。而Loolu elephant tour 嘅特色係比較崇尚自然，基本上就係同大象一家玩遊戲咁。我地一行9人係private tour，去到就見到兩隻大象同兩隻小象。佢地完全冇畀人綁住，或者著住啲好奇怪嘅服飾。我哋喺嗰度逗留咗兩個鐘嘅時間，其實全部都係同呢一家大象一齊玩。餵佢地食嘢，同佢地一齊散步/ 玩遊戲，陪啲小象去比較空曠嘅地方奔跑...最後係同佢哋一齊沖涼!
成個過程係一個非常近親親大自然嘅感覺。全程Loolu同佢一班4-5位朋友喺旁邊幫手，以防啲小象玩得太興奮會衝埋我地到。
呢個係一個好特別嘅體驗! 喺一般嘅動物園係唔會有機會咁近距離睇大象嘅生活同佢地玩!
唯一要注意地方係車程比較遠，但我去完又覺得好值得!如果有興趣記得之前要聯絡左Loolu 先。
Doi Inthanon National Park Day Tour (http://www.wonderfulecotours.com/en/index.html)
又一個親親大自然嘅好地方，呢個國家公園嘅景色非常優美。但因為我粗身大細無join 到個trekking，相信如果我地去埋會更正!
Baan Tong Luang (http://www.baantongluang.com/)
Baan Tong Luang 其實係民族文化村，主要係睇清邁嘅小數民族。裡面嘅唔係演員而係真嘅族人，聽講當年當地政府興建呢個文化村都係為左安置呢啲小數民族，打造成一個旅遊點都係為左令佢地可以維持生計。呢啲小數族裔其實係由西藏，蒙古，緬甸等地方移居過嚟。咁多小數族裔中，最深印象嘅係大耳族同長頸族。
雖然係有啲touristy，但呢個地方都算係快靚正，尤其適合一家大細(連老人家及BB車).
清邁動物園 (http://www.chiangmai.zoothailand.org/ch/index.php)
同小朋友去旅行，動物園差不多必到景點。清邁呢個動物園有趣嘅地方係，如果你時間唔太夠，我覺得留喺出面都已經夠好玩。因為未入門之前，已經可以餵長頸鹿餵羊仔餵兔仔同騎馬仔。當然呢啲活動都要畀錢，但係就唔使入場費囉。
入咗場之後，裡面嘅就同一般動物園差不多。但我覺得好以Bali 嘅動物精神啲!
想睇翻之前我地一家去Bali，按呢度
留言
張貼留言