心意一家大作戰

同大部分香港人一樣，已經無外出去旅行兩年多，但都想有啲特別野同兩姊弟做下玩下，自己製造渡假感覺，於是揾呀揾呀揾到一個feedback 唔錯嘅Glamping 選擇-貝澳嘅星園。交通可以選擇去東涌轉巴士/的士，或者中環坐船去梅窩再轉巴士／的士。營地距離貝澳海灘大概15分鐘腳程。 雖然4點先比check in, 但我地12點半就到達貝澳海灘輕鬆下（加強渡假感)。  強烈推薦海灘餐廳Treasure Island Restaurant👍。我之前已用whatsapp 訂位，去到餐廳可以安排到近海灘位置。基本上餐廳內客人8成係外國人，成功增加渡假感😍 餐廳野食👌, draft beer 🍺 👍,風景👍👍 開完餐當然要去海灘玩下! 小朋友超愛! 話個沙灘雖然黑漆漆，但啲質地好軟綿綿🤩🤩。。。 美中不足係天氣陰陰天氣有少少凍，但好在無落雨。結果一玩就兩個鐘! 由沙灘行上營地大概15分鐘，由於係馬路邊及上斜，如果有大件行李可以考慮先喺營地放低野，再行落沙灘。另外最近營地嘅落車位其實有少許危險（因為單程路兼斜路），同小朋友去要小心小心。 到達營地閘口，係一條石仔路，有feel，但如果拎喼嘅朋友（例如我😅）就辛苦啲啦。。。 全個營地唔算好大，全場不到10個波波。 我地揀左大波波，一房一廳，房有一張雙人床，廳有梳化床，另外可自帶或租借地蓆，無疫情下最多可瞓7人。營內鋪全地氈，所以不准飲食，鞋可放在tent 門口嘅櫃仔，行李可放進門小通道。 每個tent旁邊有個私家有頂開放式帳篷，可以食野／bbq/ 打邊爐。  可以自帶食物，我地就訂左營地嘅bbq 套餐，少貴但質素幾好，個爐好正！ 亦有啲可以chill下嘅地方： 波波內不設厠所，但每個波波有designated嘅厠所。今次我地嘅波波係最近入口，離厠所20步。 廁所24小時暖水供應，乾淨企理。 Check in...

疫情關係，喺屋企已經困左好多日。趁復活節要搵啲戶外地方復活下，奈何我行山知識同經驗有限，所以都係搵返啲設備好D嘅地方- 例如好耐無去嘅上水假日農場 （http://www.holidayfarm.hk/e/default.asp) 上網用佢個系統報名方便快捷，入場費可以到時再比，又有地方泊車；如果無車可以選擇農場提供的接駁巴士，由九龍塘出發來回都係40蚊。我地今日大概11點鐘到停車場有八成滿。 呢個農場我哋喺好多年前嚟過，好鐘意呢度嘅好有心思嘅設計，基本上啲設施都係自家製作，材料都係一啲常見可循環再用嘅物品，如車軚，鐵通，麻繩，木板等，全手動，同平時去開嘅遊樂場好唔同，感覺比較原始啲，但非常配合農場嘅感覺。成個農場係喺斜坡上，入口嘅地方係最高既位置。 一入場兩個小朋友已經比面前空地上嘅設施吸引。首先右手邊有兩個二樓咁高嘅千秋， 旁邊有幾架手動飛船， 再過啲有適合成家一齊起動嘅搖搖飛彈， 最後仲有車軚碰碰車。。。 家姐心同細佬意淨係喺度都夠玩大半個鐘。 之後我地再往山下行，中間有三條非一般滑梯- 啱細個啲小朋友嘅飛氈滑梯； 適合120cm以上嘅麻包袋滑梯； 同埋坐喺水桶當船仔再SIR落嚟嘅滑梯。 三樣都係要由工作人員睇住先有得玩： 早上10至12，下午1至3。  除左呢三條令大人細佬都興奮嘅滑梯之外，仲有中間呢條其貌不揚嘅麻繩梯-只供向上爬嘅滑梯。唔好睇佢好簡單咁，連大人都未必一次上到去。 細佬第一試： 細佬成功試： 嚟到第二層，又見到更多簡單歷奇設施玩：有繩網， 一層樓咁高嘅人肉搖搖板， 樹屋滑梯， 吊索， Tum tum 轉， 仲有小型車場等等。 如果唔係有疫情，呢度仲可以燒烤。 玩到咁上下，細佬話想睇小動物。就喺第二層嘅尾段，向上走幾級就會見到有好多羊咩咩。 只要喺小賣部買草就可以餵。而啲羊仔亦都好配合，反而係小朋友會唔抵得啲大羊爭晒啲草攪到細羊無得食（有同理心係好事呀～）。。。至於點先可以餵到小羊呢...