兩父女3日2夜生日之旅
輕鬆三日海上之旅，祝阿爹生日快樂！身體健康！開開心心！ 記憶中好少同爸爸二人之旅，又或者話，疫情以嚟都無機會出去。趁今年佢生日我又請到假，再加上有郵輪嘅主題係德國啤酒節🤪🤪，所以決家同老爹嚟個二人世界！ 因為疫情關係，所以上郵輪其實都係3日2夜去公海行一轉，不過，呢個COVID確實令我哋珍惜每一次能夠行開下嘅機會。郵輪嘅好處係令你見到一望無際嘅大海～～天氣好嘅日子係好爽。。。另外重點，而家郵輪最多只會載50%人 (鬆動啲），同埋絕大多數係香港人 （我諗無人會為左上3日船要quarantine 14-21日卦。。。） 我同老爹對呢個旅程充滿期待！首先，為左隆重其事（生日），特登訂左Palace 房。因為據說係有一個管家幫我地安排行程，同埋佢會幫我地book埋食飯地方，睇騷或其他活動亦都會有啲優先。 嚟到郵輪碼頭check in，比我地想像中多人，用左大概一小時上到房。間房係超大，所謂有片有真相大家可以自己睇下。。。 另外，冰箱同小酒巴嘅飲品食品都唔需要另外比錢。。。有生果，一支700ml嘅有汽酒，兩罐啤酒，仲有涼茶／可樂／Perrire /薯片/朱古力/花生/茶包／咖啡etc... 入左房唔夠5分鐘，管家已經同我地打招呼，順便訂度幫我地訂埋嚟緊三餐嘅餐廳，同埋部份嘅遊樂設施。感覺佢地應該好忙，一個人可能要serve好多間。加上佢仲有個無線電話，基本上只要一call就要到 （仲大鑊過做我份工🤣🤣）。 喺房執咗啲嘢之後，我地立刻開始今個旅程既第一個活動-保齡球！ 我印象中細個嘅時候，阿爸阿媽都有帶過我地去保齡球場，但因為係好多好多年前，印象已經有啲模糊。聽番老爹講番，原來佢十幾廿歲嘅時候係經常會去打保齡球（我諗應該係蒲點）。見到我老爹好興奮，我就知道哩個活動冇揀錯。呢位快將73歲生日嘅壽星公，不停練習番當年嘅步法，究竟係右左右左右，定左右左右左，咁多年無打但功架仍在！大家可以睇片： 但可能就因為太興奮太盡力亦都太耐冇打嘅關係，打完第二日壽星公表示大脾酸軟。。。 易book度：*** （都幾full） 好玩度：***** 建議：早啲book， HKD68per head per game 打完保齡球，就喺甲板上行左個圈，望下個泳池，諗定聽日幾點鐘去玩。 之後又係另一個好令人期待嘅活動-冇錯！就係Happy Hour酒任飲@ Tribute嘅活動！一邊聽歌一邊飲酒感覺...