心意一家大作戰

認識家姐心嘅朋友都知道，佢細細個已經跳跳紮同鍾意跟音樂跳舞，加上老公有個朋友開跳舞學校，我哋喺拍拖嗰陣已經睇過佢學校嘅Dance Show (小朋友扮小蜜蜂真係好得意!)，所以喺家姐心歲半就開始畀佢試下跳芭蕾舞。 當時一開始學就係喺老公朋友喺灣仔嘅 Isla school of dance度學。我覺得Isla 好有心機教之餘亦訓練到孩子有規矩有秩序，所以啲小朋友好鍾意佢同時亦都好聽佢話。我都介紹咗好多個住喺港島嘅朋友去學。 Isla本身好鼓勵小朋友跳多啲，所以當時係一個月費，任上啱level嘅堂。我當時應該係HKD1100一個月，每星期上三堂 （貪小便宜的阿媽...）。以下係家姐心上左一個月之後嘅一次觀課: Isla School of Dance website 但由於我哋住九龍+逢星期六嘅PSL班係早上九點鐘開始+細佬意出世，我哋就冇辦法唯有轉返去比較近屋企嘅地方繼續學跳舞。之後我哋就去咗屋企附近s字頭嘅跳舞學校啦。我地只係維持左大半年時間，純粹個人喜好啦，我就麻麻哋呢一間。因為S字頭嗰間地方太細太窄，小朋友跳完舞出嚟根本上係冇位置畀小朋友換衫；另外佢哋放學嘅時候，係由得啲小朋友就咁行出課室，甚至個鋪，雖然我明白佢地無義務幫我睇住小朋友，但係我覺得基本安全一定要有，最起碼要肯定屋企人嚟左先放小朋友出去。我真心覺得如果有個心懷不軌嘅人行去門口係可以好輕易咁接走去我小朋友... Anyway, 好彩嗰陣時屋企附近開咗Karen Leung , 導師比較和藹可親之餘，環境好少少同最重要顧及到安全問題。 開始學之後我同家姐心傾計，覺得佢都係比較鍾意喺呢一間嘅。因為佢會喺屋企話返畀我聽佢學咗啲咩，玩左啲咩。 呢個係去完考試之後嘅開心樣~ 另外，家姐心學跳舞亦畀我發現到一件事，雖然佢鍾意跳舞但係佢係唔鍾意表演 ，可能都係有啲藝術家性格，呢樣嘢係冇得逼嘅(雖然作為阿媽嘅我好想睇佢表演)...唔緊要啦，都係要順其自然，最緊要佢覺得開心舒服...放鬆啲啦媽咪! 呢個係家姐心第一次表演前嘅相，最後係喊到收唔到聲...😞

一路以嚟好多人問我，有冇教家姐心彈鋼琴，又或者畀佢出去學 。我自己嘅睇法就係，首先佢手指未必夠力，二嚟係我想佢先享受音樂之後先決定學唔學。 諗番自己當年一開始好鍾意彈鋼琴，鍾意到係我要求媽咪比我學。但係就由我開始學琴練琴，興趣慢慢變成一種心理上嘅負擔，只會諗到自己喺一個狹小嘅空間，不斷重複連同一樣嘢，練嘅歌都係為咗考試，到自己考到8級之後有好多年都唔想再 掂個琴... 成件事係唔係好健康，所以一路都未下定決心。直至之前見到工聯會有一個course係畀小朋友同老師一齊彈下琴唱下歌，就不如平平地試下。其實喺一對十嘅環境下，我係完全冇expect佢會學到彈琴。 但意外地家姐心番嚟話鍾意隻Twinkle twinkle little star 叫我教下佢。由逐粒音學，到慢慢聽佢勉強彈到，再同自己合奏，感覺真係好奇妙! 無論佢之後學唔學琴都好，我都希望佢會因為自己真心鍾意，想學而學。

呢個公仔，我同家姐心叫佢做Kitty 公主。話說今日行過M&S, 我想買自己野所以叫家姐心坐喺kids area 到睇書。佢見到呢隻公仔，著左迷話要買，我唔肯 （因為我唔想佢一話想就要買比佢）。跟住我同佢“討論”左45分鐘，從多角度試圖拒絕/拖延佢，包括屋企已經太多公仔，呢隻根本唔係公主，不如去埋玩具反斗城睇下有無另外一啲靚啲嘅公主等…但最後，我居然係比佢說服左。係，佢係有眼淚嘅，但以下呢段對話先係轉捩點，真係幾眼瞓都要記低… 我：話比媽咪聽點解想買。 心：嗯嗯（有少少喊）...因為佢有粉紅色嘅頭髮，咁我最鍾意粉紅色…而佢條辮紮嘅方法好似Elsa, 咁我又好鍾意Elsa…佢塊面好白又好滑，好似食左好多魚，我都鍾意食魚，又好想塊面好白好滑…佢條裙上面有好多粉紅色小花，我都最鍾意粉紅色小花…條裙下面白色有啲閃令令我都覺得好靚…佢對鞋好似Cinderella 對玻璃鞋咁好靚…所以我真係好鍾意呀媽咪，我好想要呀… 最後我盡最大努力bargain到除左要佢自己執玩具+去完街入屋自己洗手掛衫+飯前飯後洗手+講故仔比呢個kitty 公主+同細佬意分享外，仲要佢今日同每個身邊嘅人(包括爸爸公公婆婆舅父，3個同學仔連同爸爸/媽咪，4個姨婆，2個管理員）都介紹佢呢個新朋友同點解佢咁鍾意呢個kitty... 講真，佢諗+講到咁多野(包括說服我嗰段說話同之後狂sell比人），hkd249我覺得值得嘅...如果佢學校Show &Tell 講到咁多野我就真係老懷安慰...

家姐出世無耐，我呢個心急媽媽已經諗緊同佢番咩playgroup。從6個月開始，番過baby gym, kindermusik, 幼聯，仲有啲試過一兩次連名都唔記得嗰啲。但咁多個playgroup裡面，只有Bambino Montessori 令我encore- 而家細佬意都開始上緊啦。 Montessori (蒙特梭利)本身係芸芸教學理念嘅其中一個，而我係幾buy嘅。Montessori 主張尊重小朋友嘅獨立性 (即係每個小朋友有自己特色，大人唔應該左右或者指揮佢地做事，反而應該鼓勵小朋友根據自己特性/興趣主動探索；老師/大人都只係facilitator, 協助小朋友認識每件工作嘅操作之後，小朋友應該有自由選擇做邊樣工作，唯一係小朋友做工作要一樣還一樣，做完收拾好先做另一樣。另一個特色係混齡上課，因為Montessori 相信年紀較少嘅小朋友從年紀較大嘅朋輩身上學習會更容易明白，而年紀較大嘅小朋友喺教導年紀較少嘅朋輩時，溝通同表達能力亦會有所提升。而Bambino Montessori 有一樣我亦都好鍾意嘅係，就係家長唔需要一齊上堂。一來可以比小朋友喺無爸爸媽媽騷擾嘅情況下盡情學習（因為慣性地爸爸媽媽會好想幫小朋友去完成一件事，而忘記左其實對小朋友嚟講，過程更為重要)，二來當係比自己有個小小嘅break. 家姐心一開始係14個月啱啱識行就上Bambino. Schedule係一星期上連續三日，主要係想令小朋友快啲習慣Montessori 教學模式。課室內所有擺設都係小朋友size, 每次家姐心去到第一件事就係洗手，跟住就可以揀自己有興趣嘅工作。工作嘅種類非常多元化，由簡單屋企都可能有嘅砌積木， 畫畫，用匙羹練習運送波子，放大鏡，用兒童筷子夾野食，到水工作，用兒童刀切食物等不下二十個工作，主要訓練小朋友專注力，守秩序（雖然老師會比小朋友自己揀工作，但小朋友要跟番工作嘅規定嚟做，做完亦要執好，推凳，再放回原位先可以進行下一項工作）同小肌肉。 課室內最多有8-10個學生，老師有3-4個。原本我覺得呢度學嘅野有啲抽象，加上學費都唔平（最新係hkd4300一個月），都有放棄嘅念頭，但老公制止左我。原因係當佢睇番Bambino啲相（佢地會定期整CD比我地），先發覺原來家姐心"忽然"識左嘅日常動作/詞彙，同比較好嘅小肌肉協...

行程嘅第二朝，尋晚實在瞓得太差，因為同細佬意同一張床（怕佢碌落地），佢成日晚好似洗衣機裏面嘅衫一樣，不停自轉 ...喺全晚不斷 受拳打腳踢之下，我呢個阿媽一早起身就好似一條喪屍咁。但冇辦法啦，營地嘅早餐係由八點鐘供應到八點八， 更重要嘅係，營舍嘅冷氣早上八點就會熄機，所以再攰，七點九我都要 爬起身。 第二日嘅時間係比較趕嘅，宿營嘅活動時間係由九點鐘至十一點鐘 ，所以一啲精力較旺盛嘅小朋友，而又唔趕時間嘅話，我會建議大家book埋之後嘅日營，咁你就可以玩埋11點至三點半喝呢段時間 。 食完早餐大概係八點九，營地活動未開始，所以我哋成班去咗旁邊嘅遊樂場舒展下筋骨，大人細路都啱玩。 之後我哋去咗一啲室內運動場，途經射箭，繩網陣同埋攀石區，呢啲都係畀大啲嘅小朋友玩。 最後我哋喺壁球室玩咗一輪，雖然壁球對於幾歲嘅小朋友都係太難，但唔緊要，同小朋友一齊玩嘅好處，就係你總會諗到一啲其他啱玩嘅方法同佢哋玩餐飽。 之後我哋再一次兵分兩路，因為家姐心想再去做手工 ，而細佬意就去咗尋日喺康樂館裏面嘅playroom。今次手工藝室嘅主題係穿珠，大家可以睇下我哋嘅製成品: 時間過得好快，穿珠之我哋都係時間返房執拾細軟。 最後落到去飯堂交低鎖匙，食埋個午餐，我哋就搭佢嘅shuttle bus離開。同場加映呢個午餐嘅菜式，一睇就知邊啲係加餸... 總結兩日一夜嘅行程，其實以扶老攜幼嚟講都算過得充實。當然如果小朋友大啲，細嗰個都有4/5歲，咁就可以再玩得再多啲。尤其是係第二日本身我哋有報日營，但係考慮到大家嘅體力同裝備，我哋冇留底繼續玩。 另外搭返shuttle bus出嚟，落車地點都係西貢鄧肇堅運動場。出到去如果有興致有體力嘅，可以再喺西貢市中心玩一陣，夜晚食埋個海鮮餐，咁呢兩日一夜會過得更加完滿。 費用方面，同我係之前去鯉魚門度假村差唔多。人頭費大概係五六十蚊，小朋友同埋長者半價，兩歲以下免費。另外食嘢大概係二三十蚊一餐。 雖然營餐質素麻麻地，但真獨市生意，尤其喺麥理浩夫人度假村係叫唔到的士去消夜，所以一係就自己有帶定零食，一係就幫襯佢加餸啦！ 有興趣去報營嘅朋友可以參考埋我上次去鯉魚門渡假村嘅兩日一夜之...

話說復活節同家姐心去左鯉魚門渡假村覺得好好玩，今次暑假就同埋公公婆婆姨婆工人連自己一家四口試下呢個自己應該有廿年無嚟過玩嘅麥理浩夫人渡假村。由於係暑假呢個黃金檔期，三個月之前就要同人鬥快打電話去訂位 (康體通真人接聽電話:2927 8080)，成功之後去任何體育館交錢就得。除暑假外, 其他時間都唔會太Full, 尤其如果想試下先唔想過夜，日營+黃昏營係一個唔錯又無咁多人嘅選擇。 麥理浩夫人度假村位於西貢北潭西貢郊野公園，由於喺自然保護區裡面，所以要拎禁區紙先可以入去。我地人多，最方便嘅方法都係去西貢鄧肇堅運動場等免費接駁巴士。呢架巴士喺訂營嘅時候已經Tick 埋，之後喺入營前大概兩個星期會寄資料同提你上巴士時間。 我地上車時間係1:30PM， 所以朝早先開始執拾行李。循例都會同家姐心傾下要有帶的啲乜嘢，以下我哋以下係我哋嘅手繪packing list。 復活節嗰次我地都有畫packing list, 但3個月後嘅家姐心明顯地肯主動啲同諗得深入啲（例如唔係淨係識帶玩具）。見住小朋友嘅進步係做人父母最大成就感! 我哋執完嘢之後，其實我哋都有啲嚇親因為原來三個人（兩公婆加工人）帶住兩個小朋友去一個兩日一夜嘅camp 嘅行李量同我哋兩公婆夏天去一趟歐洲係差唔多... 正式出發啦！家姐心同細佬意都異常興奮! 去到指定嘅集合地方-西貢鄧肇堅運動場門口， 早咗十零分鐘，小朋友又可以玩到癲。 喺鄧肇堅運動場等shuttle時有少少擔心，因為仲係有啲雨，上車嘅時候都係要擔遮，好彩上咗車後沿途見到天開始清同有少量嘅太陽，心情都好返啲。成程車去到渡假村嘅時間大概係四個字左右，shuttle bus喺正飯堂同辦公室嘅門口停低。落車之後，所有人會入飯堂等briefing 同埋攞門匙。 臨走之前記得影底門前個board，會話你知今日有咩設施有開。 我哋今次分派到係四間三人房，房嘅位置都算係山頂。聽到山頂都有少少驚，因為之前去過鯉魚門渡假村，住山頂係真係行到腳震，所以都係懷住戰戰兢兢嘅心情睇下今次嘅山頂係有幾咁挑戰極限。 Surprisingly 都只係由飯堂（山腰位置）行左大概係十分鐘嘅就到，唔算係太辛苦嘅斜路，沿途風景亦十分心曠神怡。 本來對房間係無期望，但打開門...